Dill

I morgon opnar Dill! Skiltet som er i "børsta" stål (samme look som bestikk) vart levert av meg og hengt opp i dag. Som dykk sikkert får inntrykk av på skiltet, på Dill kan dykk kjøpa mat -god mat!

Lykke til med opning! Håpar mange går på dill... :-)

BA laurdag

"Opplev lykken på Kleppestø" var navnet på denne heilsides annonsa i BA på laurdag. "Verkstedet" på Kleppestø har nemlig nyoppussa lokaler til leige, midt i kremen av kjekke butikkar. Fantastiske lokaler midt i ein "oase" av feel good butikkar, som t.d "AC Home" og "Ren lykke". Vel verdt eit besøk! På anbefalingslista mi! :-)

BO design & foto var den heldige som fekk laga annonsa.

Ha ein knallfin sommarkveld!

Business and pleasure

I dag har me vore på open dag på Aker Solutions, Stord. 90-års jubileumet vart feira med omvisning, masse godt å eta, dåp av plattform og Vamp-konsert.

Personlig så var det også kjekt å sjå bileta mine montert på veggane i adm. bygget. Dykk hugsar kanskje dette oppdraget her, som eg hadde for ei tid tilbake. Det utvikla seg til meir, og har nå førebels enda i 7 stk. bilete på lerret og brosjyrar. I går tidlig monterte me bileta, så i dag vart det på ein måte "galleriopning" med tusenvis av besøkande. (Jada, alle kom for å sjå bileta...Vamp og gratis is lokka ikkje...). :-)

Ha ein herlig sommar-søndags-kveld!

P.S: Hei , hei til dåke to damer! Kor møtes me neste gong? Hehehehehehe... :-)

Ein ferjetur

Me er flittige brukarar av ferjo. Heim til Halsnøy krev ein ferjetur. Heim igjen til Stord likeeins. I dag har me vore i farmor si strand på Halsnøy. Kjekt med ei farmor som har eiga strand og ein besse som er badevakt! Fantastisk herlig i sjøen! Varmt! Pisselunka som me ville sagt om me var 10 år... :-)

På ferjeturen heim seint i kveld (leggetid kl. 19 vart kansellert, ettersom me fortsatt låg å duppa i sjøen), fekk ungane dansa, springa og spretta i den svale vinden. Mammo satt i bilen og knipsa med pappa sitt kamera -eit spennande kamera ettersom alt blir så blått...

God natt!

Mitt gule kule bord...

Mitt nye, gule, kule bord har nå fått plassen rett utanfor kontordøra mi. Dei tøffe zinkskålene (er faktisk tre stk.) fekk eg til fødselsdagen min -Tusen takk! (Dei er kjøpt på frk- Lande). Blomane er sjølvplukk frå hagen. Bokstavane (dei på veggen) kjøpte eg på Sæbøvik Gåver & Leiker. Små bokstavane er frå Havna Interiør. Korga under bordet er kjøpt på Kvist & Kvast. Og bordet -det er ekta IKEA!

Ja, veggen treng maling, men eg likar denne flassa looken... :-)

Ein bussjåfør...

Får ikkje desse korta fram minnene? Eg hugsar iallefall den nederste bussen på busskortet. Spesielt setet framme attmed sjåføren. Draumen var å kunne sitja der!

Korta som kom frå trykkeriet i dag, er knalltøffe og vekkjer minne hjå alle eg har vist dei til i dag! Det er mogeleg å kjøpa dei hjå min kjekke kunde, Sunnhordland Museum, som i desse dagar opnar HSD-utstilling. Korta kan kjøpast også som plakat -minstemann har allereie ein på veggen sin! :-)

Alle ♥ gledar seg

Nye tilskudd til verda, bursdagar, helg og bryllaup!

Ikkje anna å seia enn at alle ♥ gledar seg!

Gratulera!

:-)

Lukka er

Saft i glaset. Sol på himmelen. Barbeint i graset.

Sjekk Baronessa for knalltilbod i anledning parkopning!

Tre stk

Da er grått og vått ute.

Herlig! Seier eg, og meinar da. Da er jo så godt å vera inne!

Nå skal eg tenna i desse tre stk. stakkarsane (dvs. skjønne).

Så skal eg nyta at regnet vatnar plantene ute for meg,

og nyta at med null solskinn så forsvinn støvet...

Simsalabim...

Fest!

I dag datt dette bladet frå Husnes Storsenter ned i postkassen min. Det er fest på Husnes til helga, med storslagen opning av den flotte Nupen parken (Obs: parken har fortsatt ikkje fått offisielt navn). Det er ikkje mange kjøpesenter som kan visa til å ha eigen kunstpark rett utanfor fasaden! Kunstnaren Kjell Nupen har laga ein brukspark med krukker og vatn. Må opplevast! (Gå inn på linken til Kjell Nupen for å sjå krukka som eg har fotografert på desse bileta, i produksjon hjå Kjell Nupen).

BO design & foto var så heldige å igjen få oppdraget av Kvinnheringen med å fotografera bilete for reklameavisa, som altså vart distribuert i dag. Eg har (saman med min supre "hent da-hold da" - hjelpar) fotografert dansarar, spelemenn, Peppe`s etande modellar, båteigarar, båthavn, golfmenn (liggande på "greenen" med apparatet opp i "puten" -eg spelar ikkje golf sjølv, så beklagar feil term), kaniner, ungar, såpebobler og kebab! Ei salig blanding vil eg seia! Nå er avisa her, og eg synes oppslaga var fine -eg er nøgd! :-)

Så dei som vil gjera gode kjøp, samstundes som dei vil høyra på Bjørn Eidsvåg live -GRATISkonsert, dei må reisa til Husnes på laurdag. Å viss dykk reiser med ferja Skjersholmane-Ranavik, så stoppar dykk på Sæbøvik for knallgode skuleboller og kjekke shopping der og! :-)

Nedanfor ser dykk eit pittelite utval av bileta som er i magasinet.

I bøtter og spann

Innhausting av blomar, i bøtter og spann! Ei herlig tid for vasane mine -

da bugnar nemleg av blomar i den overgrodde (merk: stygt overgrodde) hagen.

Ha ein kjekke dag!

Kultursti

I dag har me vore kulturelle, med besøk på Klosterdagane og kulturstivandring. Me Halsnøybuar er vel egentlig ikkje dei flinkaste til å besøka/bruka klosteret vårt, om eg nyttar det ofte for fotografering. Heilt ærlig er det fyrste gong eg vitjar klosterdagane, om dette er 5. året det skjer... Shame on me! Eg (og sikkert fleire blant meg) veit derfor lite om klosteret sin historikk og myter.

I dag fekk iallefall me uvitande (meg) veta mykje gjennom kulturstivandringa. Den gjekk føre seg mellom offerplass, ruinar, gravhaugar, song, dans, kyr og fantastiske plassar for fotografering. Desse to øverste vart tatt på ein skjønn sti, full av hundekjeks. Digresjon: Trur nesten at dette må vera blomane for brudebuketten... (neidu, ingen bryllaupsplanar for meg -men blomane kan ein jo drauma om!).

Veret var nydelig i dag. Å godt var det å drikka saft og eta bollar ute under blå himmel, på klosterkafèen. Trur det blir fleire klosterbesøk i løpet av sommaren, men då med kanskje kvitvin i korga...?

Bilete under er eit "art by accident", men slikt likar jo eg, så her det! :-)

Her er nokre småglimt frå dans og anna i dag:

...gratulerer med dagen, gratulerer med dagen...

...gratulerer med dagen, for du er SUPER! (Melodi: NRK superbursdagssong).

Mamma og to småtroll ynskjer at pappen i huset får ein superduper kjekke dag!

Som mollemor sa så fint: "Eg er glad i deg mamma, men eg ELSKA pappa!".

Joda, takk for den... :-)

Anbefalingar både her og der! :-)

Viss du går innom denne linken, så ser du at bloggen min er anbefalt av Side 2, nettavisen.

Men les du bladet Kamille, så er bloggen på ei anbefalsingsliste der også, saman med mange andre! Kjekt å sjå at dykk likar bloggen, og at den inspirerar på eit eller annan vis... :-)

God helg!

Klosterdagane

Til helga er det Klosterdagane på Halsnøy Kloster. Klosteret er flittig brukt som base for fotografering for min del, både bryllaup og konfirmantar. Skal faktisk der i dag å fotografera ein familie!

Men kjekt at ein har ildsjeler som gjer at klosteret "lever" litt også, så nå er "dagane" her igjen, 5. året på rad!

Klosterdagane startar på laurdag kl. 17. Mykje musikk, dans, kultur og kunst, så vel verdt eit besøk! Søndagen (for dei som vil ta si utflukt den dagen, startar det i 13-tida). Klosteret har også ein eigen kafè desse dagane, der du kan kjøpa drikke, varm og kald mat. BO design & foto har laga plakatar, folderar, annonser osv... :-)

OBS: Klikk på plakaten for å lesa kva dagane inneheldt!

Min dag

I dag er det min bursdag. Helse derfor til alle der ute som er født den 10. juni -me er jammen heldige! :-)

Tusen takk for alle helsingar og gratulasjonar eg har fått, både her og der!

Den skjønne konfirmanten!

Eg har fått lov å visa nokre bilete av den utrulig skjønne konfirmanten eg tok bilete av i dag (sjå forrige innlegg). Her er eit pittelite utvalg. :-)